மக்கள் மருத்துவப்பணி

மரபாக தொடரும் மருத்துவ அறிவை அடுத்த தலைமுறைக்குக் கடத்தும் பொருட்டு மூலிகை மாணவர் திட்டம் தொடங்கப்பட்டது. பள்ளி எங்கும் மூலிகைப் பசுமை என்னும் இலக்குடன் 2007ஆம் ஆண்டு முதல் மூலிகை மாணவர் திட்டம் செயல்பாட்டில் உள்ளது. திருநெல்வேலி மாவட்ட தேசிய பசுமைப்படை, மாவட்ட சுற்றுச்சூழல் மன்றம், மாவட்ட கல்வித்துறை ஆகியவற்றுடன் இணைந்து இத்திட்டத்தை செயல்படுத்தி வருகிறோம். ஒவ்வொரு பள்ளியிலும் ஒரு மூலிகைத் தோட்டத்தை உருவாக்கும் திட்டமே இதன் அடிப்படை நோக்கம். 2007மற்றும் 2011 ஆகிய ஆண்டுகளில் திருநெல்வேலி மாவட்டம் முழுவதும் உள்ள 250 க்கும் மேற்பட்ட உயர்நிலை, மேல்நிலைப் பள்ளிகளுக்கு 40 வகையான மூலிகைக் கன்றுகளை அன்பளிப்பாக வழங்கியுள்ளோம். 2012 ஆம் ஆண்டு முதல் ஆண்டுதோறும் ஒவ்வொரு பள்ளிக்கும் ஒரு மூலிகை மரக்கன்று வழங்கி வருகிறோம். இதுவரை நாவல், புன்னை, மருது, நோணி, களா என ஐந்து வகையான மரக்கன்றுகள் வழங்கியுள்ளோம். பசுமைப்படை ஒருங்கிணைப்பாளர்கள் கூட்டத்தில் தொடர்ந்து கலந்து கொண்டு கலந்துரையாடி வருகிறோம். பாபநாசத்தில் அமைக்கப்பட்டுள்ள மூலிகை தொழிலை பள்ளிக்கூட மாணவர்கள் அவ்வப்போது குழுவாக வந்து பார்வையிட்டு செல்வதோடு, மூலிகைகளையும் இனங்கண்டு, மூலிகை கன்றுகளையும் பெற்றுச் செல்கின்றனர்.